Kamandan oxatma üzrə Azərbaycan birinciliyi və çempionatı keçiriləcək

Kamandan oxatma üzrə Azərbaycan birinciliyi və çempionatı keçiriləcək.

Federasiyadan "QELEBE.AZ"a verilən məlumata görə, yarışlarda ölkənin müxtəlif bölgələrini təmsil edən 50-dən çox peşəkar idmançı çempionluq uğrunda mübarizə aparacaq.

Kişi və qadın idmançılar üç kateqoriya - 16 yaşına qədər yeniyetmələr (30 metr məsafə), 16-18 yaşlı gənclər (60 metr məsafə) və böyüklər (70 metr məsafə) üzrə yarışacaqlar.

Avqustun 24-də açılış mərasimi və sıralama atışları baş tutacaq. Çempionata ayın 25-də yekun vurulacaq.

Qeyd edək ki, yarış Avropa Oyunları Parkında (Dənizkənarı Milli Park) təşkil ediləcək.