Azərbaycan millisi Gürcüstandakı təlim-məşq toplanışını başa vurub

Kişi voleybolçulardan ibarət Azərbaycan millisi Gürcüstandakı təlim-məşq toplanışını başa vurub.

"Report" Voleybol Federasiyasının rəsmi saytına istinadən xəbər verir ki, Avropa çempionatının təsnifat mərhələsinə hazırlıqlarını Tbilisi şəhərində davam edən komanda burada Gürcüstan millisi ilə üç yoxlama oyunu keçirib.

Hər üç qarşılaşmada yığmamız qalib gəlib (4:0; 4:0; 3:1).

Qeyd edək ki, millimiz Avropa çempionatının təsnifat mərhələsində ilk oyununu avqustun 17-də səfərdə Avstriya yığmasına qarşı keçirəcək.