"Fənərbağça" "Mançester Yunayted"də çıxış edən futbolçu ilə maraqlanır

Yeni baş məşqçi Jose Mourinyonun gəlişindən sonra transfer çalışmalarını davam etdirən Türkiyənin "Fənərbağça" klubu heyətini "Mançester Yunayted"də (İngiltərə) çıxış edən futbolçu iə gücləndirməyi düşünür.

"Report" qardaş ölkə mətbuatına istinadən xəbər verir ki, "sarı-lacıvərdlilər" müdafiəçi Sofian Amrabatı transfer etmək niyyətindədir.

Müqavilə əsasında İtaliyanın "Fiorentina" klubuna məxsus olan 27 yaşlı oyunçunun bu keçidə müsbət yanaşdığı bildirilir.

Mərakeş millisinin üzvü ötən mövsüm icarə əsasında çıxış etdiyi "qırmızı şeytanlar"ın heyətində 30 matçda meydana çıxıb.