Türkiyə millisinin üzvü: Azərbaycan avarçəkəninin olimpiadada uğur qazanacağına inanıram
https://qelebe.az//uploads/photo/turkiye-millisinin-uzvu-azerbaycan-avarchekeninin-olimpiadada-ugur-qazanacagina-inaniram.webp
Azərbaycan avarçəkəni Diana Dımçenkonun olimpiadada uğur qazanacağına inanıram.
Bunu "QELEBE.AZ"un Parisə ezam olunmuş əməkdaşına açıqlamasında türkiyəli avarçəkən Elis Özbay deyib.
O, Azərbaycan millisinin üzvünün potensialına bələd olduğunu söyləyib:
"Diananı yarışlardan tanıyıram. Potensiallı idmançıdır. 1/4 finala vəsiqə qazanması da bundan xəbər verir. Paris-2024-də medal qazanmağa qadirdir".
Qeyd edək ki, Diana Dımçenko Fransanın paytaxtı Parisdə keçirilən Yay Olimpiya Oyunlarında 1/4 finala yüksəlib. O, 2000 metr məsafəyə fərdi yarışın qrup mərhələsində 7 dəqiqə 52,53 saniyə nəticə ilə üçüncü olub. D.Dımçenko iyulun 30-da 1/4 finalda mübarizə aparacaq.
Qeyd edək ki, Paris-2024 avqustun 11-də başa çatacaq.
