Ukrayna millisinin baş məşqçisi: Son iki oyunda xarakter nümayiş etdirdik

Son iki oyunda xarakter nümayiş etdirdik.

"Report" UEFA-nın mətbuat xidmətinə istinadən xəbər verir ki, bunu Ukrayna millisinin baş məşqçisi Sergey Rebrov Almaniyada təşkil olunan Avropa çempionatının qrup mərhələsinin III turu çərçivəsində Belçikaya qarşı oyundan sonra mətbuat konfransında deyib.

Mütəxəssis qarşılaşmanı yüksək səviyyədə keçirdiklərini söyləyib: "Təəssüf ki, Rumıniyaya uduzduğumuz ilk oyuna görə pley-offa vəsiqə qazana bilmədik. Turnir boyu yaxşı oyun göstərdik və bir sıra maraqlı məqamlar oldu. AVRO-2024-də iştirakımız ölkəmiz üçün çox önəmli idi. Son iki oyunda xarakter nümayiş etdirdik. Amma bu həyatdır, insan səhv edir, önəmli olan nəticə çıxarmaqdır. Mən futbolçularımla fəxr edirəm".

Qeyd edək ki, AVRO-2024-ün qrup mərhələsinin III turunun Ukrayna - Belçika matçı heç-heçə yekunlaşıb - 0:0. Bu nəticənin ardından ukraynalılar 4 xalla E qrupunu sonuncu sırada tamamlayıblar.