"Yuventus"un hücumçusu AVRO-2024-ü buraxacaq

Polşa millisinin futbolçusu Arkadiuş Milik bu il Almaniyada keçiriləcək Avropa çempionatını buraxacaq.

"Report"un məlumatına gröə, bu barədə komandanın baş məşqçisi Mixal Probej məlumat verib.

Ukraynaya 3:1 hesabı ilə qalib gəldikləri yoldaşlıq matçında xəsarət alan 30 yaşlı hücumçu zədə səbəbindən turnirdə iştirak etməyəcək.

Forvard başa çatan mövsümdə İtaliyanın "Yuventus" klubunun heyətində 36 matçda 8 qol və 1 məhsuldar ötürmə ilə yadda qalıb.

Qeyd edək ki, Polşa yığması 14 iyun - 14 iyul aralığından baş tutacaq AVRO-2024-ün D qrupunda Niderland, Avstriya və Fransa milliləri ilə üz-üzə gələcək.