Azərbaycanın altı təmsilçisi Slovakiyadakı reqatada iştirak edəcək
https://qelebe.az//uploads/photo/azerbaycanin-alti-temsilchisi-slovakiyadaki-reqatada-ishtirak-edecek.webp
Mayın 24-də Slovakiyanın paytaxtı Bratislavada yeniyetmələr arasında start götürəcək kayak və kanoe üzrə beynəlxalq reqatada Azərbaycan millisinin altı üzvü mübarizə aparacaq.
Azərbaycan Kanoe və Avarçəkmə Federasiyasının mətbuat xidmətindən "QELEBE.AZ"a verilən məlumata görə, məşqçilər Mirnazim Cavadov və Boqdan Kurudzun rəhbərliyi altında Amil Ramazanov, Əlimurad Hacızadə, Qiyas Əhmədov, Ceyhun Vəlixanov, Niyaz Məlikov və Paşa Əsgərov Bratislavada medal uğrunda yarışacaqlar.
Qeyd edək ki, turnir mayın 26-da başa çatacaq.
