"Napoli" klubu Xviça Kvaratsxeliyanın maaşını 6 dəfə artırmağı düşünür

İtaliyanın "Napoli" klubunun rəhbərliyi futbolçusu Xviça Kvaratsxeliyanı klubda saxlamaq üçün maaşını 6 dəfə artırmağa hazırdır.

"Report" xarici KİV-ə istinadən xəbər verir ki, Fransanın PSJ və İngiltərə Premyer Liqasında çıxış edən bir sıra klubların maraq dairəsində olan gürcüstanlı futbolçuya 150 milyon avroluq sərbəst qalma bəndini özündə əks etdirən yeni müqavilə təklif olunacaq.

Qeyd edək ki, X.Kvaratsxeliya cari mövsüm "Napoli"nin heyətində 42 oyuna çıxıb və 10 qol vurub.