Azərbaycan Basketbol Liqası: bu gün yarımfinalın daha bir oyunu keçiriləcək
https://qelebe.az//uploads/photo/azerbaycan-basketbol-liqasi-bu-gun-yarimfinalin-daha-bir-oyunu-kechirilecek.webp
Bu gün Azərbaycan Basketbol Liqasında yarımfinal mərhələsinin daha bir oyunu keçiriləcək.
"QELEBE.AZ" xəbər verir ki, "NTD-İndiqo" ilə "Xəzri" komandaları qarşılaşacaq.
"Sərhədçi" İdman Mərkəzində keçiriləcək qarşılaşma saat 19:30-da başlayacaq. Bu komandalar arasında ikinci oyun mayın 11-də baş tutacaq. İki matçın yekununda bərabərlik olarsa, üçüncü duel mayın 13-də reallaşacaq.
Qeyd edək ki, yarımfinal mərhələsində dünən bir qarşılaşma keçirilib. "Sabah" və "Xırdalan" komandaları üz-üzə gəlib. "Sərhədçi" İdman Mərkəzində keçirilən qarşılaşma birincilərin 101:85 hesablı qələbəsi ilə başa çatıb.
