Primeyra Liqa: “Sportinq” vaxtından əvvəl Portuqaliya çempionu olub

“Sportinq” vaxtından əvvəl futbol üzrə Portuqaliya çempionatının 2023/2024 mövsümünün qalibi olub.

“Report” xəbər verir ki, “yaşıl-ağlar” “Benfika”nın “Famalikanu”ya uduzması ilə mövsümün sonuna iki tur qalmış çempionluğu rəsmiləşdirib.

Ruben Amorimin yetirmələrinin 84, “qartallar”ın isə 76 xalı var.

“Sportinq” 20-ci dəfə Primeyra Liqada birinci olub. Ötən mövsüm “aslanlar”ın əzəli rəqibi “Benfika” çempionluğu bayram etmişdi.

Xatırladaq ki, daha əvvəl Amorim “Liverpul”a keçidlə bağlı şayiələr fonunda gələcəyinə aydınlıq gətirərək klubda qalacağına işarə etmişdi.