Xavi "Barselona"dan ayrılacağını açıqlayandan sonra komanda məğlub olmayıb
https://qelebe.az//uploads/photo/xavi-barselonadan-ayrilacagini-achiqlayandan-sonra-komanda-meglub-olmayib.webp
Xavi Ernandes "Barselona"dan ayrılacağını açıqlayandan sonra komanda məğlub olmayıb.
"QELEBE.AZ" xəbər verir ki, İspaniya təmsilçisi son olaraq Çempionlar Liqasının 1/4 final mərhələsinin ilk oyununda Fransada PSJ-ni məğlub edib - 3:2.
Kataloniyalıların sonuncu məğlubiyyəti yanvarın 27-nə təsadüf edir. Xavinin yetirmələri həmin gün İspaniya çempionatında "Vilyarreal"a 3:5 hesabı ilə uduzub.
44 yaşlı mütəxəssis məhz bu görüşdən sonra mövsümün sonunda klubdan ayrılacağını açıqlamışdı. "Barselona" həmin vaxtdan bəri keçirdiyi 12 oyunda 9 qələbə, 3 heç-heçə ilə yadda qalıb.
