"Qarabağ"ın futbolçusu Fransa klublarına keçməkdən imtina edib
https://qelebe.az//uploads/photo/qarabagin-futbolchusu-fransa-klublarina-kechmekden-imtina-edib.webp
"Qarabağ"ın futbolçusu Yassin Benzia Fransanın Liqa 2 klublarına keçməkdən imtina edib.
"QELEBE.AZ" “RMC Sport” nəşrinə istinadən xəbər verir ki, bu barədə yarımmüdafiəçinin özü bildirib.
O, bu çempionatdan təkliflərinin olduğunu söyləyib: "Amma özümü o səviyyədə görmədim. Mövsümü əla keçirirəm. Bu mövsüm 40-dan çox oyunda meydana çıxmışam, Avropa Liqasında mübarizə aparmışam. Hazırda işlər istədiyimiz kimi davam edir".
Qeyd edək ki, Əlcəzair millisinin üzvü 2023-cü ilin yanvarından "Qarabağ"ın formasını geyinir. Onun "köhlən atlar" ilə müqaviləsinin müddəti 2025-ci ildə başa çatacaq.
