Azərbaycanın karateçisi Liqa yarışında çempion olub

Azərbaycanın yeniyetmə karateçisi Nəsimi Musayev Birləşmiş Ərəb Əmirliklərinin Fujairah şəhərində keçirilən Liqa yarışında çempion olub.

“Report” xəbər verir ki, o, 70 kq çəki dərəcəsində bütün rəqiblərinə qalib gələrək, qızıl medal qazanıb.

Ona qədər turnirdə Gülay Orucova (59 kq) qızıl, Fərid Hacızadə (55 kq) gümüş mükafata yiyələnib.

Qeyd edək ki, beynəlxalq turnirdə 76 ölkədən 1856 karateçi mübarizə aparıb.