Azərbaycan taekvondoçuları Türkiyə açıq çempionatının ilk günündə iki medal qazanıblar
https://qelebe.az//uploads/photo/azerbaycan-taekvondochulari-turkiye-achiq-chempionatinin-ilk-gununde-iki-medal-qazaniblar.webp
Antalyada taekvondo üzrə Türkiyə açıq çempionatına start verilib.
"QELEBE.AZ"un məlumatına görə, yarışın ilk günündə Azərbaycanın yeniyetmələrdən ibarət milli komandası 2 medal əldə edib.
Yığmanın heyətində Məryəm Cəfərova (152 sm) qızıl medala yiyələnib.
O, 6 rəqibini məğlub edərək, fəxri kürsünün ən yüksək pilləsinə qalxıb.
Gülay Əliyeva isə (160 sm) çempionatı bürünc mükafatla bitirib. Taekvondoçu yarımfinaladək 4 mərhələ keçib.
Qeyd edək ki, yarışda bu gün yeniyetmə oğlanlar mübarizəyə qoşulacaq.
