Marselo "Qarabağ"la Bakıdakı oyunu düşünür

"Özümü yaxşı və xoşbəxt hiss edirəm. Avropa Liqasında növbəti oyunumuzu düşünürəm".

"QELEBE.AZ"un məlumatına görə, bunu Yunanıstan "Olimpiakos"unun futbolçusu Marselo Bakıda "Qarabağ"a qarşı keçirəcəkləri UEFA Avropa Liqasının qrup mərhələsinin IV tur oyunu barədə şəxsi instaqram səhifəsində yazıb.

Braziliyalı müdafiəçi bildirib ki, şəraitdən asılı olmayaraq xoşbəxt olmaq lazımdır.

Qeyd edək ki, oktyabrın 13-də Tofiq Bəhramov adına Respublika stadionuna keçiriləcək qarşılaşma saat 20:45-də başlayacaq.