Messi "Benfika" ilə oyunu buraxacaq

PSJ klubunun ulduz futbolçusu Lionel Messi Fransada Portuqaliya "Benfika"sına qarşı UEFA Çempionlar Liqasının qrup mərhələsinin IV tur oyununu buraxacaq.

"Report" "Le Parisien" nəşrinə istinadən xəbər verir ki, 35 yaşlı hücumçu zədə səbəbindən meydana çıxmayacaq.

"Reyms"lə qolsuz heç-heçə etdikləri Liqa 1-in X tur matçında iştirak etməyən forvard Paris təmsilçisinin bugünkü hazırlıq prosesinə də qatılmayıb.

Argentinalı oyunçu daha əvvəl baldır nahiyəsindən zədə alıb.

Qeyd edək ki, oktyabrın 11-də keçiriləcək PSJ - "Benfika" görüşü Bakı vaxtı ilə saat 23:00-da başlayacaq.