Zaur Axundov milli komandanın futzalçıları ilə görüşüb

Azərbaycan Futzal Federasiyasının (AFF) prezidenti Zaur Axundov dünya çempionatının əsas mərhələsinin oyunlarına hazırlaşan milli komandanın üzvləri ilə görüşüb.

AFF-dən "QELEBE.AZ"a verilən məlumata görə, o, futzalçılara Polşa və Yunanıstana qarşı keçiriləcək oyunlarda ugurlar arzulayıb. Millinin baş məşqçisi Joze Alesio Da Silva hazırlıq və oyunçuların durumu ilə bağlı federasiya rəhbərinə məlumat verib.

Görüşdə AFF-nin vitse-prezidenti Elşən Abasov, menecer Eldəniz Yusubov da iştirak edib.

Qeyd edək ki, oktyabrın 7-də Bakıda Polşa ilə qarşılaşacaq Azərbaycan millisi 4 gün sonra səfərdə Yunanıstanın qonağı olacaq.