Azərbaycanın amputasiya olunmuş şəxslərdən ibarət komandası Şotlandiyada yarışa qatılıb

Azərbaycanın amputasiya olunmuş şəxslərdən ibarət komandası Şotlandiyada Avropa Amputant Futbol Federasiyasının təşkilatçılığı ilə keçirilən Milli Liqada iştirak edir.

“QELEBE.AZ” xəbər verir ki, bu barədə Azərbaycanın Böyük Britaniyadakı səfirliyinin “X” hesabında paylaşım edilib.

Məlumata görə, komanda əsasən Ermənistanın Azərbaycanda yerləşdirdiyi minaların partlaması nəticəsində xəsarət alan futbolçulardan ibarətdir.

“Minaların dağıdıcı nəticələri haqqında qlobal məlumatlılığı artırdıqları üçün bu heyrətamiz idmançılara təşəkkür edirik və turnirdə uğurlar arzulayırıq. Komandanı dəstəklədikləri üçün Azərbaycan - Şotlandiya icmasının azarkeşlərinə xüsusi təşəkkür edirik!”,- deyə paylaşımda qeyd olunub.