"Sabah"ın basketbolçusu: "Rəqib kifayət qədər təcrübəli idi"

"Rəqib kifayət qədər təcrübəli idi. "Adriatic league"də mübarizə aparır".

Bunu "Report"a açıqlamasında FIBA Avropa Kubokunun müntəzəm mövsümündəki ilk matçında səfərdə Monteneqronun “Mornar” klubuna 75:80 hesabı ilə uduzan "Sabah"ın basketbolçusu Pavle Marçinkoviç deyib.

34 yaşlı hücumçu görüşün əvvəlində köklənmə ilə bağlı problem yaşadıqlarını bildirib: "Məhz buna görə müdafiədə və hücumda səhvlərimiz oldu. Lakin meydanda mübarizə apardıq və sonadək oyundan qopmadıq. Qələbə qazana bilmədiyimiz üçün üzülürük".

Qeyd edək ki, "Sabah" oktyabrın 25-də “Sərhədçi” İdman Mərkəzində Türkiyə təmsilçisi “Bağçaşəhər”i qəbul edəcək.