AVRO-2024: Azərbaycan millisi bu gün Estoniya ilə üz-üzə gələcək

Futbol üzrə Azərbaycan millisi bu gün AVRO-2024-ün seçmə mərhələsində növbəti oyununu keçirəcək.

"QELEBE.AZ"un məlumatına görə, Canni De Byazinin baş məşqçi olduğu komanda səfərdə Estoniya ilə üz-üzə gələcək.

Tallində gerçəkləşəcək qarşılaşma Bakı vaxtı ilə saat 20:00-da start götürəcək. Görüşün baş hakimi almaniyalı Robert Şröder olacaq.

F qrupunun digər matçında Avstriya Belçikanı qəbul edəcək. Bu oyun saat 22:45-də başlayacaq.

AVRO-2024, seçmə mərhələ

VII tur

20:00. Estoniya - Azərbaycan

Baş hakim: Robert Şröder.

Tallin. "Le Koq Arena".