Azərbaycan Premyer Liqası: Turun açılış oyununda lider "Sumqayıt"ı qəbul edəcək

Bu gün futbol üzrə Azərbaycan Premyer Liqasında VI tura start veriləcək.

"QELEBE.AZ"un məlumatına görə, günün yeganə matçında "Zirə" "Sumqayıt"ı qəbul edəcək.

Qəsəbə klubu 12 xalla liderdirsə, "gənclik şəhəri" təmsilçisi 7 xalla 4-cü pillədə qərarlaşıb.

Komandalar indiyə qədər ölkə çempionatlarında 31 dəfə üz-üzə gəliblər. Bunların 17-də "qartallar", 6-da "Sumqayıt" qələbə qazanıb, 8 görüşdə isə qalib müəyyənləşməyib. Topların nisbətində də "Zirə"nin aşkar üstünlüyü var - 43:22.

Azərbaycan Premyer Liqası, VI tur

17:00. “Zirə” – “Sumqayıt”
Hakimlər: Kamranbəy Rəhimov, Rahil Ramazanov, Eyyub İbrahimov, Vüqar Həsənli.
Hakim-inspektor: Barış Şimşək.
AFFA nümayəndəsi: Məmmədəli Məmmədov.
Zirə İdman Kompleksinin stadionu

Qeyd edək ki, turun digər qarşılaşmaları 16-17 sentyabrda olacaq.