Minifutbol üzrə Çempionlar Liqası: "Birbaşa Bakı" növbəti mərhələyə vəsiqə qazanıb

Minifutbol üzrə "Birbaşa Bakı" komandası Bolqarıstanın paytaxtı Sofiyada təşkil olunan Çempionlar Liqasında ikinci oyununa çıxıb.

"QELEBE.AZ" xəbər verir ki, rəqib Moldovanın "Volta" kollektivi olub.

Qarşılaşma Azərbaycan təmsilçisinin 4:1 hesablı qələbəsi ilə yekunlaşıb. Komanda ötən gün Yunanıstan çempionu “Maqufana”ya qalib gəlib - 3:1.

Beləliklə, xallarının sayını 6-ya çatdıran "Birbaşa Bakı" 1/8 finala vəsiqəni təmin edib.

Üçüncü görüşdəki rəqib Albaniyanın "Prestij" klubu olacaq. Matç saat 20:00-da başlayacaq.