Azərbaycan atleti Balkan çempionatında medal qazanıb

Türkiyənin Sivas şəhərində 18 yaşadək atletlər arasında Balkan çempionatı keçirilir.

"QELEBE.AZ" xəbər verir ki, bu gün mübarizəyə qoşulan təmsilçilərimizdən İlahə Quliyeva uğurlu çıxışla yadda qalıb.

O, 400 metr məsafəyə qaçışda 56.54 saniyə nəticə ilə yarışın gümüş medalını qazanıb.

Nüvə itələmə növündə mübarizə aparan Səkinə Hacızadə isə 13.85 metr nəticə ilə yeniyetmələr arasında Azərbaycan rekordunu yeniləyib. Hacızadə yarışda 7-ci yeri tutub.