“Neftçi” gənc futbolçusu ilə müqavilənin müddətini uzadıb

“Neftçi” gənc futbolçusu İsmayıl Zülfüqarlı ilə müqavilənin müddətini uzadıb.

“QELEBE.AZ” xəbər verir ki, Bakı klubu bu barədə rəsmi saytı vasitəsilə məlumat yayıb.

Bildirilir ki, 22 yaşlı yarımmüdafiəçi ilə cari mövsümün sonuna qədər olan sözləşmənin müddəti daha 1 illik uzadılıb.

Qeyd edək ki, “Neftçi”nin yetirməsi olan İsmayıl Zülfüqarlı əsas komandada keçirdiyi 5 mövsüm ərzində 63 oyunda meydana çıxıb, 4 qola imza atıb.