Çimərlik voleybolu üzrə Azərbaycan millisi Avropa çempionatında çıxışını başa vurub

Çimərlik voleybolu üzrə 18 yaşadək oğlanlardan ibarət Azərbaycan millisi İspaniyanın paytaxtı Madriddə keçirilən Avropa çempionatında çıxışını başa vurub.

Azərbaycan Voleybol Federasiyasından “QELEBE.AZ”a verilən məlumata görə, İqor Olefirin rəhbərlik etdiyi komanda təsnifat mərhələsində keçirdiyi dörd oyundan ikisində qələbə qazanıb, ikisində məğlub olub.

Muhammad Aslanlı - Nəriman Bayramlı cütü Andorra və Şotlandiyaya qalib gəlsələr də, Slovakiya və Serbiyaya uduzublar.

Reqlamentə görə, təsnifat mərhələsində 3 qələbə qazanan cütlər əsas mərhələyə vəsiqə qazanırlar. Azərbaycan yığması növbəti raunda yüksələ bilməyib.