Boks üzrə Azərbaycan çempionatında 3 çəki üzrə 1/4 finalçılar müəyyənləşib

Kişi boksçular arasında Azərbaycan çempionatında 2-ci günün döyüşləri başa çatıb.

Federasiyadan "QELEBE.AZ"a verilən məlumata görə, 38 komandanın qatıldığı yarışda daha 19 qarşılaşma keçirilib.

67 kq-da 1/8 finala, 54, 60 və 86 kq çəki dərəcələrində isə 1/4 finala yüksələn boksçular müəyyənləşib. Mərhələ adlayanlar sırasında Avropa çempionatının finalçısı Ruslan Qədirov da yer alıb.

Oktyabrın 20-də daha 17 görüş olacaq. Boks Mərkəzində keçirilən döyüşlər saat 14:00-da başlanacaq.

Qeyd edək ki, yarışın qalibləri oktyabrın 25-də bəlli olacaq.

Azərbaycan çempionatı
II günün nəticələri
1/16 final
67 kq
Elməddin Camaləddinov (Sabirabad) – Əlyar İbrahimov (Gəncə) – ikinci nokautla qalib gəlib
Məhəmməd Novruzov (Mingəçevir) – Şəmsi Şahbazov (MOİK) – 0:5
Taleh Qasımoğlu (Z-1) – Turan Quluzadə (“Qızıl əlcək” İK) – 5:0
Şamil Həbibov (DİN İK) – Ceyhun Məmmədov (Qusar) – birinci tam üstünlüklə qalib gəlib
Namiq Rüstəmov (FHN İK) – Pərviz Quliyev (Ağcabədi) – ikinci tam üstünlüklə qalib gəlib

1/8 final
54 kq
Möhsün Həsənzadə (Naxçıvan MR) – Nəbi Abduləzimov (“Səbail” İK) – 5:0
Elşən Qəribov (Quba) – Orxan Əlirzayev (DGK İK) – birinci tam üstünlüklə qalib gəlib
Namiq Yarəliyev (Qəbələ) – Nicat Abıdov (FHN İK) – 5:0
Ramazan Babayev (DİN İK) – İsa Gəncəliyev (“Qəbələ” İK) – 0:5
Nicat Abdullayev (“Qızıl əlcək” İK) – Vüqar Talıblı (Zaqatala) – 5:0
Əhməd Əhmədov (“Neftçi” İK) – Vüsal İsazadə (DİN İK) – 5:0
Əli Hüseynov (“Neftçi” İK) – Camal Səfərli (Masallı) – 2:3
Ruslan Qədirov (MOİK) – Elgün Babayev (METE) – 5:0

60 kq
Şamil Əsgərov (“Neftçi” İK) – Sərxan Əhmədov (MOİK) – 5:0
Samir Əsədli (“Səbail” İK) – Ramiz Məmmədov (“Neftçi” İK) – birinci diskvalifikasiya olunub
Miradam İbrahimov (Biləsuvar) – Məhəmmədəli Əliyev (Cəlilabad) – ikinci döyüşə gəlməyib

86 kq
Abdulla Abdullayev (DGK İK) – Vaqif Bəşirov (Şirvan) – birinci döyüşə gəlməyib
Tural Useynov (“Səbail” İK) – Araz Sultanzadə (“Qara papaq” İK) – birinci tam üstünlüklə qalib gəlib
Elcan Əlikişiyev (“Sərhədçi”) – Məhəmməd Yusifov (Balakən) – 0:5