“Sabah”ın idman direktoru: “Coy Lens Mikelslə bağlı yazılanların hamısı həqiqətdir”

“Coy Lens Mikelslə bağlı yazılanların hamısı həqiqətdir”.

Bunu “QELEBE.AZ”a açıqlamasında “Sabah”ın Müşahidə Şurasının üzvü və klubun idman direktoru İqor Ponomaryov Səudiyyə Ərəbistanı təmsilçisindən təklif alan yarımmüdafiəçi Coy Lens Mikels barədə danışarkən deyib.

Olimpiya çempionu hadisələri qabaqlamağın düzgün olmadığını bildirib: “Məsələnin necə həll olunacağını görəcəyik. Onun Konfrans Liqasında “Partizan”a qarşı oyunlarda heyətdə yer alıb-almayacağını da deyə bilmərəm. Bu barədə baş məşqçi Murad Musayev qərar verəcək”.

Qeyd edək ki, Coy Lens Mikelsin “Sabah”la 2025-ci ilə qədər müqaviləsi qüvvədədir.