Edinson Kavani klubu ilə müqaviləsinə xitam verəcək

Edinson Kavani İspaniyanın “Valensiya” klubu ilə müqaviləsinə xitam verəcək.

“QELEBE.AZ” xəbər verir ki, bu barədə italiyalı insayder Fabritsio Romano paylaşım edib.

Onun sözlərinə görə, uruqvaylı futbolçu komandadan ayrılmaq üçün rəhbərliyə müraciət edib. O, “Valensiya”nın mövsümöncəsi təlim-məşq toplanışına qatılmayacaq. “Yarasalar”la 2024-cü ilin yayına qədər olan sözləşməsinin ləğvinə hazırlaşan 36 yaşlı hücumçu Argentina klubu “Boka Xuniors”la ilkin razılığa gəlib.

Qeyd edək ki, Edinson Kavani 2022-ci ilin yayından “Valensiya”da çıxış edir. O, La Liqa təmsilçisinin heyətində 28 oyunda 7 qol vurub, 2 məhsuldar ötürmə verib.