"Qarabağ"ın rəqibi daha bir ulduz futbolçunu transfer etmək istəyir

"Qarabağ"ın UEFA Avropa Liqasının qrup mərhələsindəki rəqiblərindən Yunanıstan "Olimpiakos"u daha bir ulduz futbolçunu heyətinə qatmağı planlaşdırır.

"Report" "Sportdog.gr" saytına istinadən xəbər verir ki, Pirey təmsilçisinin sahibi Evangelos Marinakis İngiltərənin "Çelsi" klubunun yarımmüdafiəçisi Tyemue Bakayokonu komandada görmək istəyir.

Fransalı oyunçu hazırda icarə əsasında İtaliya "Milan"ında çıxış edir.

Qeyd edək ki, "Olimpiakos" daha əvvəl "Real Madrid"in sabiq futbolçusu Marselonu transfer edib. "Qarabağ" bu komandaya qarşı ilk oyununu oktyabrın 6-da səfərdə, növbəti görüşünü isə bundan bir həftə sonra Bakıda keçirəcək.