“Bavariya” “Napoli”nin müdafiəçisi ilə anlaşıb

Almaniyanın “Bavariya” klubu İtaliya çempionu “Napoli”nin müdafiəçisi Kim Min Jae ilə anlaşıb.

“QELEBE.AZ” xəbər verir ki, bu barədə tanınmış insayder Fabritsio Romano paylaşım edib.

Onun sözlərinə görə, Cənubi Koreya millisinin müdafiəçisi Almaniya çempionu ilə 5 illik müqaviləyə razılıq verib. 27 yaşlı oyunçunun sərbəst qalma məbləği 50 milyon avrodur. “Bavariya” bu məbləği qarşı tərəfə ödəyərsə, keçid reallaşacaq.

Qeyd edək ki, Kim Min Jae “Napo”liyə 2022-ci ilin yayında Türkiyə klubu “Fənərbağça”dan keçib.