Mariya Stadnikin reytinq turnirinə aparılmamasının səbəbi müəyyənləşib

Qadın güləşçilərdən ibarət Azərbaycan millisinin lideri Mariya Stadnikin (50 kq) Qırğızıstanın paytaxtı Bişkekdə keçiriləcək reytinq turnirinə aparılmamasının səbəbi müəyyənləşib.

Dünya və Avropa çempionu “QELEBE.AZ”a açıqlamasında başqa turnirdə qüvvəsini sınayacağını bildirib.

35 yaşlı olimpiya mükafatçısı Bolqarıstanda hazırlıq keçəcəklərini söyləyib. O, ardından Polşanın paytaxtı Varşavada turnirə qatılacaqlarını vurğulayıb: “Bizim hazırlıqla bağlı planımız fərqlidir. İyulun 5-də təlim-məşq toplanışı üçün Bolqarıstanın Belmeken bölgəsinə yollanacağıq. Oradan birbaşa Polşaya gedərək, Varşavadakı turnirə qatılacağıq”.

Qeyd edək ki, iyunun 1-dən 4-dək Bişkekdə keçiriləcək reytinq turnirində Azərbaycanın 11 güləşçisi mübarizə aparacaq.