FIFA əcnəbi futbolçuların Rusiya klubları ilə müqavilələrini dayandırmaq icazəsinin müddətini uzadıb

FIFA əcnəbi futbolçuların Rusiya klubları ilə müqavilələrini dayandırmaq icazəsinin müddətini uzadıb.

“Report” xarici KİV-ə istinadən xəbər verir ki, ali futbol qurumu yaxın vaxtlarda bu qərarı açıqlayacaq.

Əcnəbilərin Premyer Liqa təmsilçiləri ilə sözləşməni dondurmaq imkanı ən azı 2024-cü ilin yayınadək uzadılacaq. Ancaq bu qərar 2022-ci ilin yayından etibarən Rusiyaya köçənlərə şamil edilməyəcək.

Bu isə Rusiya komandalarının 2023/2024 mövsümündə də avrokuboklara buraxılmayacaqları anlamına gəlir.

Qeyd edək ki, Ukraynaya hərbi hücum səbəbindən FIFA əcnəbi futbolçulara Rusiya klubları ilə müqavilələri dayandırmaq icazəsi verib. Bu üzdən bir sıra legionerlər Premyer Liqa təmsilçilərini tərk ediblər.