İspaniyada qalıqları tapılan yeni dinozavr növünə tanınmış klubun adı verilib

İspaniyanın Kastelyon əyalətinin Sintorres şəhərində tədqiqatçılar qrupu əvvəllər məlum olmayan dinozavr növünün qalıqlarını aşkar ediblər.

"Report"un AS nəşrinə istinadən məlumatına görə, təqribən 11 metr uzunluğunda, 3 metr hündürlüyündə, uzun burnu və çoxlu konusvari dişi olan heyvana "Vilyarreal" komandasının adı verilib.

Dinozavrın qalıqları La Liqa klubunun təmsil etdiyi əyalətdə tapıldığı üçün onu komandanın 2021-ci ildə Avropa Liqasında qazandığı qələbənin şərəfinə bu cür adlandırıblar.

Qeyd edək ki, "Vilyarreal" finalda İngiltərə "Mançester Yunayted"ini məğlub edərək turnirin qalibi olub.