Premyer Liqa: "Sabah" klubu səfərdə "Sumqayıt"ı darmadağın edib - YENİLƏNİB

Azərbaycan Premyer Liqasında XXXIV tura yekun vurulub.

"QELEBE.AZ"un məlumatına görə, bağlanış oyununda "Sabah" Sumqayıtda eyniadlı komandanın qonağı olub. "Kapital Bank Arena"da keçirilən görüş Bakı klubunun böyükhesablı qələbəsi ilə başa çatıb - 4:0.

Qonaqlardan qolları 34-cü dəqiqədə Con İrasabal, 44-cü dəqiqədə Davit Volkov, 45+1-ci dəqiqədə Kristian da Silva və 72-ci dəqiqədə Kristian Sebalyos vurublar.

Bu qələbədən sonra xallarını 80-ə çatdıran "Sabah" ikinci pillədə qərarlaşıb. 28 xalı olan "Sumqayıt" isə 8-cidir.

Qeyd edək ki, turun əvvəlki oyunlarında "Zirə" evdə "Kəpəz"lə, "Neftçi" "Şamaxı" ilə 1:1 hesablı sülhə razılaşıb, "Turan Tovuz" Qəbələdə eyniadlı komandanı 2:1, "Qarabağ" isə səfərdə "Səbail"i 3:0 hesabı ilə məğlub edib.

Azərbaycan Premyer Liqasının XXXIV turunun bağlanış oyununda üz-üzə gələcək "Sumqayıt" və "Sabah"ın start heyətləri açıqlanıb.

"QELEBE.AZ"un Peşəkar Futbol Liqasının rəsmi saytına istinadən məlumatına görə, komandalar meydana aşağıdakı "11-lik"lərlə çıxacaqlar:

"Sumqayıt": 25. İlnur Vəliyev 6. Vüqar Mustafayev (k) 14. Elvin Bədəlov 10. Vüsal İsgəndərli 17. Murad Xaçayev 8. Səbuhi Abdullazadə 5. Stiven Pereyra 9. Karim Abubakar 22. Dieqo Karioka 23. Kamran Aliev 12. Todor Todoroski
Ehtiyat oyunçular: 13. Aydın Bayramov 32. Murad Ağamalıyev 24. Elşən Abdullayev 18. Süleyman Əhmədov 20. Ayxan Süleymanlı 21. Nihad Əhmədzadə 7. Terrens Tisdel
Baş məşqçi: Samir Abasov

"Sabah": 16. Rustam Samiqullin 14. Bəxtiyar Həsənalızadə 10. Aleksey İsayev (k) 9. Anatoli Nuriyev 2. Amin Seydiyev 15. Kristian da Silva 7. Boyan Letiç 20. Coy Lens Mikels 18. Davit Volkov 19. Con İrasabal 8. Aleksey Kaşuk
Ehtiyat oyunçular: 12. Yusif İmanov 77. Namik Ələskərov 4. Elvin Camalov 17. Tellur Mütəllimov 29. Ceyhun Nuriyev 21. İldar Alekperov 33. Camal Cəfərov 22. Seymur Məmmədov 11. Kristian Sebalyos
Baş məşqçi: Murad Musayev

Qeyd edək ki, Sumqayıtdakı "Kapital Bank Arena"da keçiriləcək qarşılaşma saat 19:30-da başlayacaq.