Avropa çempionatı: Azərbaycan cüdoçularından 1-i yarımfinala, 2-si 1/4 finala çıxıb

Çexiyanın paytaxtı Praqada gənclər arasında keçirilən Avropa çempionatında ilkin mərhələni adlayan Azərbaycanın hər 3 cüdoçusu ikinci görüşlərini də qələbə ilə başa vurub.

"QELEBE.AZ"un yarışa ezam olunmuş əməkdaşının verdiyi məlumata görə, 90 kq çəki dərəcəsində 1/8 final mərhələsində Vüqar Talıbov israilli İnbay Qabaya qalib gəlib. Növbəti rəqib gürcüstanlı Tornike Poladişvili olacaq.

Eyni çəkidəki İsmayıl Zamanov finlandiyalı Artur Kanevetsi də üstələyib. Zamanov 1/4 finalda italiyalı Qabriele Sammartino ilə qarşılaşacaq.

100 kq-dakı Ruslan Nəsirli isə 1/4 finalda niderlandlı Silvan Bultuisi yenib. Nəsirli yarımfinalda italiyalı Daniele Akkoqli ilə üz-üzə gələcək.

Qeyd edək ki, daha əvvəl Vüsal Qələndərzadə (73 kq) və Elcan Hacıyev (81 kq) qızıl, Turan Bayramov (60 kq) isə gümüş medal qazanıb.

Çexiyanın paytaxtı Praqada gənclər arasında keçirilən Avropa çempionatında bu gün Azərbaycanın daha 5 cüdoçusu mübarizəyə başlayıb.

"QELEBE.AZ"un yarışa ezam olunmuş əməkdaşının verdiyi məlumata görə, 90 kq çəki dərəcəsində 1/16 final mərhələsində Vüqar Talıbov latviyalı Maksim Duynov ilə üz-üzə gəlib. O, rəqibinə ipponla qalib gələrək, növbəti mərhələdə israilli İnbay Qabaya rəqib olub.

Eyni çəkidəki İsmayıl Zamanov slovakiyalı Aleks Maruşkanı üstələməyi bacarıb. 1/8 finalda rəqib finlandiyalı Artur Kanevets olacaq.

100 kq-dakı Ruslan Nəsirli 1/8 finalda avstriyalı Hubert İllmeri yenib. O, növbəti mərhələdə niderlandlı Silvan Bultuislə üz-üzə gələcək.

100 kq-dan yuxarı çəkidəki Kənan Nəsibov eyni raundda moldovalı Alin Baqrinə uduzaraq, mübarizəni dayandırıb.

Eyni aqibətlə qızların yarışında 78 kq-da yer alan Nərmin Əmirli də üzləşib. Əmirli 1/8 finalda israilli Yuli Alma Mişinerə yenilib.

Qeyd edək ki, daha əvvəl Vüsal Qələndərzadə (73 kq) və Elcan Hacıyev (81 kq) qızıl, Turan Bayramov (60 kq) isə gümüş medal qazanıb.