Viktor Osimxen İtaliya çempionatlarının ən məhsuldar afrikalı futbolçusu olub
https://qelebe.az//uploads/photo/viktor-osimxen-italiya-chempionatlarinin-en-mehsuldar-afrikali-futbolchusu-olub.webp
“Napoli”nin hücumçusu Viktor Osimxen İtaliya çempionatları tarixinin ən məhsuldar afrikalı futbolçusu olub.
“Report” xəbər verir ki, nigeriyalı forvard A seriyasında ümumi qol sayını 47-yə çatdıraraq rekordu yeniləyib.
O, “Milan”ın əfsanəsi olan liberiyalı Corc Veanın göstəricisini yaxşılaşdırıb. Osimxenə bunun üçün 79 oyun kifayət edib. 25 yaşlı forvard A seriyasının XXXIV turunda “Fiorentina”nı 1:0 hesabı ilə məğlub etdikləri görüşdə penaltidən fərqlənərək, buna nail olub.
Qeyd edək ki, cari mövsüm A seriyasında 23 qola imza atan Osimxen bombardirlər yarışına başçılıq edir.
