Avropa klublarında ən çox qol vuran futbolçularının adları açıqlayıb
https://qelebe.az//uploads/photo/avropa-klublarinda-en-chox-qol-vuran-futbolchularinin-adlari-achiqlayib.webp
Beynəlxalq Futbol Tarixi və Statistikaları Federasiyası (IFFHS) Avropada klub karyerasında bütün dövrlərin ən çox qol vuran futbolçularının adlarını açıqlayıb.
“QELEBE.AZ” qurumun saytına istinadən xəbər verir ki, siyahıda 500-dən çox qol vurmağı bacaran 13 oyunçu yer alıb.
Avropada klubların heyətində ən çox fərqlənən futbolçu Lionel Messidir. Argentinalı hücumçu bu günlərdə Fransa klubu PSJ-nin heyətində “Nitsa” (2:0) ilə çempionat matçında fərqlənərək, liderliyi ələ keçirib.
Karyerasını davam etdirən 3 oyunçu siyahıya düşə bilib. Messi və Robert Levandovskidən fərqli olaraq, Kriştianu Ronaldu hazırda Asiyada çıxış edir.
| Futbolçu | Millisi | Karyerası | Qolları | |
| 1 | Lionel Messi | Argentina | 2004- | 702 |
| 2 | Kriştianu Ronaldu | Portuqaliya | 2002-2022 | 701 |
| 3 | Jozef Biscan | Avstriya | 1931-1955 | 690 |
| 4 | Ferens Puşkaş | Macarıstan, İspaniya | 1943-1966 | 640 |
| 5 | Cimmi Cons | Şimali İrlandiya | 1947-1964 | 636 |
| 6 | Co Bambrik | Şimali İrlandiya | 1926-1943 | 608 |
| 7 | Abe Lenstra | Niderland | 1936-1963 | 591 |
| 8 | Qlenn Ferqyuson | Şimali İrlandiya | 1987-2011 | 563 |
| 9 | Cimmi Makqrori | Şotlandiya | 1922-1937 | 540 |
| 10 | Fernando Peyroteo | Portuqaliya | 1937-1949 | 539 |
| 11 | Gerd Müller | Almaniya | 1964-1979 | 526 |
| 12 | Robert Levandovski | Polşa | 2008- | 515 |
| 13 | Uve Zeeler | Almaniya | 1954-1978 | 509 |
