Naxçıvan gimnastları beynəlxalq turnirdə qalib olublar

Gürcüstanın paytaxtında gimnastikanın hamı üçün növü üzrə Tbilisi Gimnastradası keçirilib.

Naxçıvan Muxtar Respublikası Təhsil Nazirliyinin mətbuat xidmətindən "QELEBE.AZ"un yerli bürosuna verilən məlumatına görə, yarışda Naxçıvan Muxtar Respublikası Atletika Federasiyasının "Bədii gimnastika" bölməsinin 1 məşqçi müəllimi və 5 gimnastı iştirak edib.

Üç ölkədən 33 komandanın iştirak etdiyi Gimnastradada Naxçıvan gimnastları uğurla çıxış edərək birinci pillədə qərarlaşıb.