Boccia üzrə Azərbaycan milli komandası lisenziya turnirində iştirak edəcək

Boccia üzrə Azərbaycan milli komandasının 4 atlet və 3 müşahidəçisi baş məşqçi İlham Məhərrəmovun rəhbərliyi altında regional çempionatda iştirak etmək üçün Xorvatiyanın paytaxtı Zaqrebə yola düşüb.

Federasiyadan "Report"a verilən məlumata görə, BC1 qızlar qrupunda Röya Şəfəqqətzadə, BC2 oğlanlar qrupunda Orxan Kərimov, BC2 qızlar qrupunda Sona Ağayeva, BC4 oğlanlar qrupunda isə Xəyal İslamov ölkəni təmsil edəcək.

Bundan əlavə, yığma ilk dəfə BC1/BC2 komanda oyunlarında qüvvəsini sınayacaq.

Qeyd edək ki, yarış Paris-2024 Yay Paralimpiya Oyunlarına lisenziya xalı qazandırır.