Həndbol üzrə Azərbaycan çempionatında favoritlər sensasiyaya imkan verməyiblər

Kişi həndbolçuların Azərbaycan çempionatında XVII və XVIII turlarının oyunları keçirilib.

“QELEBE.AZ”un məlumatına görə, çempionatın lideri “İdman Akademiyası” “AHF Arena”da baş tutan ilk matçda autsayderlərdən olan U-16-nı böyük fərqlə üstələyib – 33:18.

“Məhsul” RİOEUGİM-i 42:23, “Dinamo” isə “Bakı”nı 39:29 hesabı ilə məğlub edib.

XVIII turda da eyni cütlüklər üz-üzə gəlib, favoritlər sensasiyaya imkan verməyiblər. “İdman Akademiyası” 41:22, “Məhsul” 42:31, “Dinamo” isə 39:32 hesablı qələbəyə seviniblər.

Bu qarşılaşmalardan sonra turnir cədvəlinə 39 xalla “İdman Akademiyası” başçılıq edir. “Məhsul” 29 xalla ikinci, “Təhsil” 27 xalla üçüncüdür. 4-cü pillədəki “Dinamo”nun aktivində 24 xal var. RİOEUGİM-lə U-16-nın hərəyə 3 xalı var. “Bakı” 1 xalla autsayderdir.