Azərbaycan Premyer Liqası: "Sumqayıt" "Səbail"ə qalib gəlib

Futbol üzrə Azərbaycan Premyer Liqasında XXV turun daha bir oyunu keçirilib.

"QELEBE.AZ" xəbər verir ki, günün ilk matçında "Səbail" "Sumqayıt"ı qəbul edib.

"ASCO Arena"dakı qarşılaşma qonaqların 1:0 hesablı qələbəsi ilə bitib. Qələbə qolunu 90+8-ci dəqiqədə penaltidən Terrens Tisdel vurub.

68-ci dəqiqədə meydan sahiblərinin müdafiəçisi Qustavo de Fransa birbaşa qırmızı vərəqə alaraq meydandan qovulub.

"Gənclik şəhəri" təmsilçisi qələbə sayəsində xallarının sayını 21-ə çatdıraraq 7-ci pilləyə yüksəlib. "Dənizçilər" isə 17 xalla sonuncu - 10-cu sırada qərarlaşıb.

Qeyd edək ki, günün digər görüşündə "Sabah" "Kəpəz"i sınağa çəkəcək. “Zirə” və “Şamaxı” arasında keçirilmiş turun açılış oyununda 2:2 hesablı heç-heçə qeydə alınıb. Martın 5-də baş tutacaq matçlarda “Qəbələ” “Qarabağ”ı, “Neftçi” isə “Turan Tovuz”u qəbul edəcək.

Futbol üzrə Azərbaycan Premyer Liqasının XXV turunda üz-üzə gələcək "Səbail" və "Sumqayıt"ın heyətləri bəlli olub.

"QELEBE.AZ" xəbər verir ki, komandalar meydana aşağıdakı “11-lik”lərlə çıxacaqlar:

“Səbail”: 1. Emil Balayev (k) 2. Adil Nağıyev 96. İlkin Muradov 6. Cabir Əmirli 22. Samir Abdullayev 11. Qoba Zakpa 99. David Qomis 88. Matiya Lyuyiç 5. Petro Stasyuk 23. Qustavo de Fransa 4. Maksim Çex

Ehtiyat oyunçular: 12. Hüseynəli Quliyev 10. Ağabala Ramazanov 9. Mirabdulla Abbasov 15. Vüqar Həsənov 7. Ruslan Hacıyev 3. Turan Manafov 17. Rafael Məhərrəmli 55. Nihad Qurbanlı 77. Ədilxan Qarəhmədov 20. Mirəli Əhmədov 27. Emil Martinov 21. Kizito Luvaqa

Baş məşqçi: Şahin Diniyev

“Sumqayıt”: 13. Aydın Bayramov 3. Vurğun Hüseynov (k) 6. Vüqar Mustafayev 14. Elvin Bədəlov 18. Süleyman Əhmədov 11. Rüfət Abdullazadə 8. Səbuhi Abdullazadə 5. Stiven Pereyra 9. Karim Abubakar 22. Dieqo Karioka 71. Masaki Murata

Ehtiyat oyunçular: 25. İlnur Valiev 32. Murad Ağamalıyev 24. Elşən Abdullayev 10. Vüsal İsgəndərli 20. Ayxan Süleymanlı 21. Nihad Əhmədzadə 7. Terrens Tisdel 23. Kamran Aliev 12. Todor Todoroski 37. Alya Ture

Baş məşqçi: Samir Abasov

Qeyd edək ki, bu gün "ASCO Arena"da oynanılacaq qarşılaşma saat 16:00-da start götürəcək.