Azərbaycan Premyer Liqası: Turun açılış oyununda heç-heçə qeydə alınıb

Futbol üzrə Azərbaycan Premyer Liqasında XXV tura start verilib.

"Report"un məlumatına görə, günün yeganə oyununda "Zirə" "Şamaxı"nı qəbul edib.

Zirə İdman Kompleksinin stadionundakı qarşılaşma 2:2 hesabı ilə yekunlaşıb. "Qartallar"ın qollarını 29-cu dəqiqədə Hamidu Keyta vurubsa, 79-cu dəqiqədə Nihad Quliyev avtoqol müəllifi olub.

"Şamaxı"nın heyətində 60-cı dəqiqədən penaltidən Amil Yunanov, 73-cü dəqiqədə isə Kamran Quliyev fərqlənib.

Paytaxt klubu hazırda 36 xalla 4-cü, bölgə təmsilçisi isə 19 xalla 8-ci pillədə qərarlaşıb.

Qeyd edək ki, turun "Səbail" - "Sumqayıt" və "Sabah" - "Kəpəz" oyunları martın 4-də, "Qəbələ" - "Qarabağ" və "Neftçi" - "Turan Tovuz" matçları isə martın 5-də keçiriləcək.

"Zirə" və "Şamaxı" komandaları arasında Azərbaycan Premyer Liqasının XXV tur oyununun gec başlamasının səbəbi bəlli olub.

"Report" xəbər verir, paytaxt təmsilçisinin qapıçısı Mehdi Cənnətovun formasında problem olduğu üçün qarşılaşmanın startı yubanıb.

Görüş 17:00-da yox, iki dəqiqə gec başlayıb. AFFA İntizam Komitəsinin bu səbəbdən "qartallar"ı cəzalandıracağı gözlənilir.

Futbol üzrə Azərbaycan Premyer Liqasının XXV turunda üz-üzə gələcək “Zirə” və “Şamaxı”nın start heyətləri bəlli olub.

“Report”un məlumatına görə, komandalar turun açılış matçına aşağıdakı “11-lik”lərlə çıxacaqlar:

“Zirə”: 1. Mehdi Cənnətov, 91. Coşqun Diniyev, 10. Rəhim Sadıxov, 32. Qismət Alıyev (k), 96. Donald Gerye, 9. Loris Broqno, 47. Mohamed Hamdaui, 23. Andriya Lukoviç, 14. Hamidu Keyta, 44. Dmitrios Çantakias, 5. Moiz Adileu

Ehtiyat oyunçular: 41. Anar Nəzirov, 22. Nail Alışov, 15. Ruslan Abışov, 77. Mirsayib Abbasov, 18. Slavik Alxasov, 11. Rüstəm Əhmədzadə, 38. Ramiz Muradov, 70. İssa Cibrila, 17. Toni Qomes, 7. Filipe Paxtman, 6. Eldar Quliyev

Baş məşqçi: Rəşad Sadıqov

“Şamaxı”: 1. Rəşad Əzizli, 10. Elvin Məmmədov (k), 9. Amil Yunanov, 90. Əli Səmədov, 16. Fuad Bayramov, 5. Rəhman Daşdəmirov, 2. Rauf Hüseynli, 22. Elçin Mustafayev, 83. Nihad Quliyev, 18. Cəlal Hüseynov, 80. Zahid Mərdanov

Ehtiyat oyunçular: 62. Abdulla Seydəhmədov, 12. Əkpər Vəliyev, 8. Kamal Mirzəyev, 17. Elçin Rəhimli, 27. İbrahim Aslanlı, 15. Emin Zamanov, 70. Bahadur Həziyev, 11. Kamran Quliyev, 4. Arsen Ağcabəyov, 21. Qurban Səfərov, 23. Rövşən Şahmuradov, 29. Ramin Əhmədov

Baş məşqçi: Vüqar Əsgərli

Qeyd edək ki, Zirə İdman Kompleksinin stadionunda baş tutacaq qarşılaşma saat 17:00-da başlayacaq.