Ayxan Abbasov: “Növbəti mövsüm iddialı olub-olmayacağımız sual altındadır”

Ayxan Abbasov: “Növbəti mövsüm iddialı olub-olmayacağımız sual altındadır”

“Növbəti mövsüm iddialı olub-olmayacağımız sual altındadır”.

“QELEBE.AZ” xəbər verir ki, bunu “Turan Tovuz”un baş məşqçisi Ayxan Abbasov “Zirə”yə 0:2 hesabı ilə məğlub olduqları Azərbaycan Premyer Liqasının XXIV tur oyunundan sonra mətbuat konfransında deyib.

42 yaşlı mütəxəssis iddialı klub yaratmaq üçün böyük maliyyə dəstəyinin vacib olduğunu bildirib: “Çempionatda iddialı olmaq böyük büdcə tələb edir. 5-6 komanda var ki, yüksək yerlərə iddia edirlər. Bu gün onlarla mübarizə aparmağımız real deyil. Ancaq gələn mövsüm builkindən də yaxşı olmağa çalışacağıq. Növbəti mövsüm daha çətin oyunlar olacaq. Rəhbərliklə danışıqlar gedir. Ümid edirəm ki, lazımi addımları atacağıq. İlk olaraq büdcə məlum olmalıdır ki, ondan sonra qarşımıza məqsəd qoyaq”.

Baş məşqçi “Zirə” ilə matçı da dəyərləndirib. O, rəqibin səviyyədə onları üstələdiyini etiraf edib: “Maraqlı idi ki, yuxarı pillələrdəki komandalarla mübarizə apara bilərik, ya yox. Fərq bir daha hiss olundu. İddialı komandaların ustalıq səviyyəsi yüksəkdir. “Zirə” lazım olan dəqiqələrdə qol vurdu. Oyundan narazılığım yoxdur. Bütün görüş boyu bizim üstünlüyümüz oldu. Qol epizodları yaratdıq. Eyni zamanda ucuz səhvlərə yol verdik. Matçın ən kritik anında standart vəziyyətdən top buraxdıq. Bu da “Zirə”yə üstünlük gətirdi”.

“Turan Tovuz” “Zirə”yə qalib gələcəyi təqdirdə, 4-cü pillədəki rəqiblə aradakı xal fərqini azaldacaqdı. Abbasov ikinci dəfədir belə halla üzləşdiklərini xatırladıb: “Belə oyunlarda futbolçuların ustalığı ön plana çıxır. Biz də istərdik ki, şansımız olsun, çempionat daha maraqlı keçsin. Amma bu mövsüm məqsədlərimiz başqadır. Avrokuboka vəsiqə qazansaq, daha yaxşı olar. Alınmasa belə, bunu böyük itki saymayacağıq. Çünki qarşımıza belə məqsəd qoymamışıq”.

Tovuz klubunun baş məşqçisi “iddiasız klubda çalışmaq motivasiya baxımından çətin deyil”, - sualını belə cavablandırıb: “Bəzən sual verirlər ki, niyə avrokuboklara iddia etmirsiniz? Həqiqətləri demək lazımdır. Elə klub var ki, onun şəraiti, büdcəsi iddialı olmağı tələb edir. Bəzi komandalar da iddialılarla mübarizə aparmalıdırlar. Kim deyir ki, motivasiyamız yoxdur? Avrokuboklara vəsiqə hədəfi qoymamışıqsa, o deməkdir ki, oyunlara uduzmaq üçün çıxırıq? 20 komandalı çempionatlar var. Belə çıxır, onlarda ilk “5-lik”dən aşağıdakılar desinlər ki, biz oynamırıq? Bu cür müqayisə aparmaq düzgün deyil. İndi bölgələrə futbolun qayıtmağının maraq baxımından effektini görürük. Hazır olanda biz də qarşımıza avrokuboka vəsiqə hədəfi qoyacağıq”.

Futbol
FIFA dünya çempionatının iki ildən bir keçirilməsi ideyasından imtina edib

FIFA dünya çempionatının iki ildən bir keçirilməsi ideyasından imtina edib

Futbol
“Turan Tovuz”a qalib gələn komanda bütün futbolçularını satır

“Turan Tovuz”a qalib gələn komanda bütün futbolçularını satır

Futbol
Moldova - Azərbaycan oyununun vaxtı dəqiqləşib

Moldova - Azərbaycan oyununun vaxtı dəqiqləşib

Futbol
İlin ən yaxşı qadın futbolçusu açıqlanıb

İlin ən yaxşı qadın futbolçusu açıqlanıb

Futbol
İspaniyanın qadınlardan ibarət millisi dünya çempionu olub

İspaniyanın qadınlardan ibarət millisi dünya çempionu olub

Futbol
"İnter" Türkiyə millisinin müdafiəçisini transfer etmək istəyir

"İnter" Türkiyə millisinin müdafiəçisini transfer etmək istəyir

Futbol
Stokholmda təşkil olunan "Şuşa" turnirinin açılışı və ilk oyunları baş tutub

Stokholmda təşkil olunan "Şuşa" turnirinin açılışı və ilk oyunları baş tutub

Futbol
Ronaldu Səudiyyə Ərəbistanı klubuna keçməyə yaxındır

Ronaldu Səudiyyə Ərəbistanı klubuna keçməyə yaxındır

Futbol
Rusiya klubu “Qarabağ”ın futbolçusunu transfer etmək istəyir

Rusiya klubu “Qarabağ”ın futbolçusunu transfer etmək istəyir

Futbol
Şimali Makedoniya - Azərbaycan oyununda ilk hissə başa çatıb

Şimali Makedoniya - Azərbaycan oyununda ilk hissə başa çatıb

Futbol
“Marca” “Qızıl top”u kimin qazanacağını açıqlayıb

“Marca” “Qızıl top”u kimin qazanacağını açıqlayıb

Futbol
Azərbaycan çempionatlarında “transfer pəncərəsi” yanvarın 3-də açılacaq

Azərbaycan çempionatlarında “transfer pəncərəsi” yanvarın 3-də açılacaq