“Turan Tovuz” Türkiyədə qələbə qazandı

Yeni mövsümə hazırlığını Türkiyənin Ankara şəhərində davam etdirən “Turan Tovuz” növbəti yoxlama oyununu keçirib.

Apasport.az xəbər verir ki, Kurban Berdıyevin rəhbərlik etdiyi komanda Türkiyənin I Liqa təmsilçisi “Iğdır”la qarşılaşıb.

Qarşılaşma Tovuz klubunun 1:0 hesablı qələbəsi ilə yekunlaşıb. Komandaya qələbə qazandıran yeganə qolu Jo Batista vurub.

Qeyd edək ki, “Turan Tovuz” Ankaradakı hazırlıq çərçivəsində daha əvvəl İranın U-21 millisi və Türkiyənin “Fatih Karagümrük” klubu ilə də üz-üzə gəlib. Hər iki görüş 1:1 hesabı ilə başa çatıb.