Belçika klubu "Qarabağ"a təşəkkür edib

Belçika "Gent"i UEFA Konfrans Liqasının pley-off mərhələsinin ilk oyunundan sonra "Qarabağ"a təşəkkür edib.

"Report"un məlumatına görə, bununla bağlı klubun sosial şəbəkə hesablarından paylaşım olunub.

"Bizi qəbul etdiyiniz üçün təşəkkürlər, "Qarabağ". Gözəl şəhər, sevimli insanlar, möhtəşəm oyun. Gələn həftə görüşənədək", - postda bildirilib.

Qeyd edək ki, "Qarabağ" - "Gent" matçı Ağdam təmsilçisinin 1:0 hesablı qələbəsi ilə başa çatıb. Cavab qarşılaşması fevralın 23-də Belçikada olacaq.