AİJ İB daha bir federasiya ilə əməkdaşlığa start verir

Azərbaycan İdman Jurnalistləri İctimai Birliyi (AİJ İB) ilə Azərbaycan Minifutbol Federasiyası (AMF) arasında tanışlıq xarakterli görüş keçirilib.

AİJ İB-dən "QELEBE.AZ"a verilən məlumata görə, toplantıda qurumun sədri Azər İsmayıl, İdarə Heyətinin üzvü Şəmsəddin Abbasov, AMF-in baş katibi Orxan Hüseynov və mətbuat katibi Sərxan İbrahimoğlu iştirak ediblər.

Görüş zamanı hər iki tərəfdən bir sıra istiqamətlər üzrə qarşılıqlı əməkdaşlıq barədə təkliflər səsləndirilib, bəzi ortaq layihələrin həyata keçirilməsi üçün müzakirələr aparılıb.

Qərara alınıb ki, bununla bağlı konkret planlar hazırlansın və növbəti görüşdə münasibətlər rəsmiləşdirilsin.