Caner Erkin karyerasını başa vurduğunu açıqlayıb

Caner Erkin gələcəyi ilə bağlı qərarını verib.

Apasport.az xəbər verir ki, türkiyəli müdafiəçi karyerasını başa vurub.

Bu barədə futbolçu özünün sosial şəbəkə hesabında paylaşım edib.

Təcrübəli sol cinah müdafiəçisi 37 yaşında peşəkar futbolla vidalaşıb.

Qeyd edək ki, Caner Erkin karyerası ərzində "Manisaspor", ÇSKA (Moskva), "Qalatasaray", "Fənərbaxça", "İnter", "Beşiktaş", "Fatih Karagümrük", "Başakşehir", "Eyüpspor" və "Sakaryaspor"un formasını geyinib. O, Türkiyə millisinin heyətində meydana çıxdığı 63 rəsmi matçda 2 qol və 11 məhsuldar ötürmə ilə yadda qalıb.