Çalhanoğlu üçün mövsüm başa çatdı: "İNTER"Ə AĞIR ZƏRBƏ

Hakan Çalhanoğlunun durumuna aydınlıq gəlib.

QELEBE.AZ xəbər verir ki, bu barədə "İnter"in mətbuat xidməti məlumat yayıb.

Futbolçu İtaliya A Seriyasının XXXIV turunun "Torino" ilə matçını buraxıb.

Buna səbəb onun sol ayağından zədə alması olub. Bildirilir ki, 32 yaşlı oyunçu İtaliya Kubokunun "Latsio" ilə final oyununu və mövsümün qalan hissəsini buraxa bilər.

Türkiyə millisinin üzvünün Dünya çempionatına qədər sağalacağı gözlənilir.

Qeyd edək ki, o, bu mövsüm 22 oyun keçirib, 9 qol vurub və 4 məhsuldar ötürmə edib.