"Qarabağ"dan ayrılan hücumçu yeni komandasında ilk qolunu vurub

Qış fasiləsində "Qarabağ"dan ayrılan Kvabena Ovusu Macarıstan "Ferentsvaroş"unda qol hesabını açıb.

"Report"un məlumatına görə, qanalı hücumçu səfərdə "Pakş"a qarşı keçirilən ölkə çempionatının XVII tur oyununda fərqlənib.

Matça ehtiyatda başlayan 26 yaşlı forvard 65-ci dəqiqədə meydana daxil olub və cəmi 7 dəqiqə sonra rəqib qapısına yol tapıb. Afrikalı futbolçu hesabı bərabərləşdirən qola imza atıb.

Hazırda ikinci hissəsi oynanılan qarşılaşmada qonaqlar öndədir - 2:1.

Qeyd edək ki, "Ferentsvaroş" Kvabena Ovusu ilə imzalanmış müqavilənin müddətini açıqlamayıb.