"Çelsi" transferlərə Avropanın 4 nəhəng liqasının cəmindən daha çox pul xərcləyib

İngiltərənin "Çelsi" klubu qış transfer dönəmində İspaniya La Liqası, İtaliya A Seriyası, Fransa Liqa 1 və Almaniya Bundesliqasındakı bütün klublardan daha çox pul xərcləyib.

"Report"un məlumatına görə, "zadəganlar" yanvarda bonuslar nəzərə alınmadan futbolçular üçün təxminən 329,5 milyon avro ödəyib.

London təmsilçisi Entso Fernandesi 121 milyon avroya, Mixail Mudrik üçün 70 milyon avroya, Benoit Badiaşileni 38 milyon avroya, Noni Maduekeni 35 milyon avroya, Malo Gustonu 30 milyon avroya, Andrey Santosu 12,5 milyon avroya, David Datro Fofananı 12 milyon avroya, Joao Feliksi 11 milyon avroya (icarə) heyətinə qatıb.

Liqa 1-də bu rəqəm 124,9 milyon avro, Bundesliqada 68,2 milyon avro, La Liqada 31,8 milyon avro, Seria A-da isə 28,4 milyon avroya bərabərdir.